top of page

5 years of Koinonia

Kumin December 25th, 2022 hi ka full album hmasa ber Koinonia kum nga (5) tlinna a lo ni ve ta reng mai. Kum 2017 khan album puitlin tumin ka buaipui kha a ni a, tichuan hlawhtling tak in December 25th, 2017 khan ka released ta kha a ni. He ka Koinonia album ah hian track pakua (9) ka dah a, track pahnih (2) hi a hla thu in angin, slow version an ni a, chungte chu Aw Pa Pathian leh Koinonia tih te hi an ni. Tichuan, he album a hla zawng zawng hi ka phuah vek niin, a vai hian hla pasarih (7) in a chhiar theih e. He album atang hian music video pawh vawiin ni thleng hian pali (4) siam a ni. Music video te chu ka Official Artist Channel YouTube lam ah hian a awm hlawm a ni, chungte chu Aw Pa Pathian, In the Name of the Father, the Son and the Holy Spirit, Koinonia leh Thank You God tih te an ni e.

Krismas ni ngei a ka recorded album hmasa ber han released chu chhinchhiah awl in, hriat chhuah pawh a awl thin hle a ni kum tin mai hian. He album genre hi Christian/Gospel a ni in, Pathian thu ngei atanga phuah hlawm an ni, Pathian tel lohna track reng reng a awm lo in, Pathian, Isua Krista, Thlarau Thianghlim a hlan a ni e.


Koinonia tih awmzia chu Thlarau Thianghlim a in pawl ho tihna a ni a, fellowship tihna a ni. He thu Koinonia hi Greek tawng a ni.


He ka album hi English leh Mizo tawng in ka siam a ni a, hla thenkhat hi Mizo hlang, hla thenkhat hi English hlang te an ni.


He album ah hian Pathian, Isua Krista, Thlarau Thianghlim chu a nung a ni. Chu a hneka nung leh chawimawi tlak an awm leh tawh chuang lem lovang. 2020 lai a, lei mihring tena a hming ah pawh COVID-19 tia an lo phuah rawn hluar lai em em mai khan, keini erawh zawng Pathian tak, Isua Krista tak, Thlarau Thianghlim tak kan lo fakin kan lo chawimawi san daih mai kha a lo nih kha maw he album a hla te hmang hian, Amen!


Hmelma pa sual Satan-a hian a hua em em bawk a, he album a hla te hi, amaherawhchu Pathian, Isua Krista leh Thlarau Thianghlim chenna hla a ni meau tawh si a, Satan-a chuan a ti chhe thei lo a nih ber mai hi, Amen. Hmelma pa sual Satan-a, a identity pathum (3) hmang a tichhe tur, ru tur leh tihlum tur a Pathian nung fate englai pawh a rawn bei thin tu chuan hmun a chang thei chuang lo reng reng a nih ber mai hi vawiin ni thleng hian, Amen!


Thinlung, rilru, thlarau, theihna zawng zawng Pa leh Fapa leh Thlarau Thianghlim tan ni zel kum khua rawh se.


Kum 2022 Krismas hman nuam vek ule.

Comments


bottom of page