Krismas hi enge ti in han ngaihtuah chiang ta ila, mi tam tak chuan kan hre vek awm e. A kum a kum tel lo hmang tawh te pawh kan ni fur hlawm awm e, a then tan chuan kum tlem te la hmang te pawh an ni awm e. Krismas ni chu hlim leh lawmin kan hmang thin, he kan hlim leh lawmna hi tu tan nge tiin han bihchiang leh ta ila, Pa Pathian, Isua Krista, he leilunga Mari hmanga lo piang tir tu tan nge, keimahni, mimal, thianza haw a in tihhlim mai mai nan hun hi kan hmang in kan khawhral zawk thin. That lai nun hian Lal leh Chhandamtu Isua Krista hi a pelh san mai mai zawk em tih te thlengin. Krismas ni awmzia dik tak hi enge, a bul lo awm tanna hi enge tih in han en leh ta ila, Krismas ni hi chu mihringtena Isua Krista, Bethlehem a alo pianni tih a kan lo chhinchiah, kum tin a kan lo lawm thin kha a ni lawmni, a ni ah pawh kum tin December 25th hi calendar ah pawh chhinchiah a ni awm e.
Awle, hlim leh lawma hmangtur chu kan ni teh meuh mai, khawvel sual laka ta min Chhandamtu Isua Krista chawimawia, hlim leh lama amah Pa leh Fapa leh Thlarau Thianghlim ngei chu kan thinlung, rilru, thlarau, leh theihna zawng zawng a chawimawia fak tur kan ni e. Takna thinglung, tih tak meuhna nen a lawm a, fak tur kan va ni em. Kawihmun ah pawh awm mah ila, kan lei taksa nunna nei hi khawihmun ah pawh awm ni mahse, ringtute tan chuan a va han hlu vawng vawng em ve le, Isua Krista kan nei hi. A hmangaihna ropuizia sawi pawha sawi sen loh, chatuan daih min han pe hi chu a ropui a ni. Mihringten a kan theihna piah lam a engkim a engkim a ro min rel sak tu, Pa Pathian hmangaihna kan pawh leh theihna tur atana Isua Krista pek kan nih tluk a liam hmangaihna ropui dang reng reng hi he kan damchhung khawvel tawi te ah hian a awm leh tawh lo ang. Isua Krista a ni, Krismas kan hman chan tur ber mawlh chu, Lal leh Chhandamtu Isua Krista, Lei leh Van siamtu Pa Pathian fapa ngei mai chu.
Jerusalem a thihna hneha thaw leh, Bethlehem bawngchaw pekna thleng tlawm tak maia lo piang Isua Krista chu kan Krismas hman chan lo ni mawlh rawh se. Krismas ni chu hlim leh lawma, zai leh lama, amah Isua Krista tan, kan tih apiang lo ni zel rawh se.
Luka bung hnih (2) chang sawmpathum (13) leh sawmpali (14) a in ziak "Chungnung berah Pathian ropui takin awm rawh se, Lei chunga a lawm em em mihringte hnenah rem thu leng rawh se" ti a vantirhkoh ten Pathian an lo fak ang zelin.
Amen! Krismas Isua nen, Amen!