Tin, Pathianin, “Kan anpuiin, keimahni ang takin mihring siam ila; anni chu tuifinriata sangha chungah te, rannung leia bawkvâka kal zawng zawng chungah te thu i neihtîr ang u,” a ti a. Tichuan, Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.
GENESIS 1:26-27
Genesis bung khat (1) ah hian Pathian hian mihring a siam dan tawi te in a rawn ziak chauh a ni a, a thil dang tam tak siam te nen hian. Kan sawi zau duh tak chu Lilith an tih hi Adam-a nupui hmasa tih a thu tam tak a thang tawh na karah hian a ni, he Genesis bung khat (1) a hmeichhia tih inziak hi mi tam tak hian Lilith tih hian an lo sawi nual tawh hi a dik thei lo reng reng a ni. Eve-i a ni zawk a, a tlangpui a a misiam a rawn tarlangna mai a ni zawk e. Lilith tih hi chu ngaihbel theih thuthang mai mai ni in, he Bible bung ah hian ni awm tak reng a chhui sual a ni.
Tin, Lalpa Pathian chuan, “Mihring amah chauhva awm hi a ṭha lo ve; amah ṭanpuitu tûr a kawppui âwm mi ka siamsak teh ang,” a ti a.
GENESIS 2:18
Tichuan, Genesis bung hnih (2) ah hian a mihring siam tak (Genesis bung 1) mipa leh hmeichhia te hi a chiangkuang zawk in an hming lam nen a rawn ziak chiang leh mai a ni zawk e, Adam leh Eve tiin. Eden huan rawn ziah chiangna leh zau zawng a rawn tih chiangna mai ni in, a thilsiam a hmangaihna nen a a siam bik em em te leh a duhsak em em te a rawn ziah chiangna mai a ni. Mipa leh hmeichhia a siam chan rawn ziah chiangna em em a ni zawk e.
YouTube leh internet articles vel ah te pawh han zawng chuan, niawm tak reng a lang vek in sawi kai na a tam em em a ni. Amaherawhchu Pathian in a a mihring siam hmasak ber te chu an mahni angpui tak Adam (mipa) leh Eve (hmeichhia) te an ni mai zawk a ni, awih mai tur a ni zawk e.
Ti chin hi ka ziah chin chu ni phot hrih teh se. Sual rawn in tan dan chu bung thar ah ziah a nih bawk kha maw.
Lalpan malsawm vek che u rawh se 🙏🏻🙏🏻🙏🏻