In the Name of Jesus chu vawiin atang in ngaihthlak theih leh thlir theih in ka rawn tih chhuah tak kha le. Vawiin (July 23rd, 2021) chawhma lam atang khan.
Ka hla rawn ziah chhoh dan tan tawite a han ziah lan ve tha in ka hria a. He ka hlaphuah, vawiin (July 23rd, 2021) a ka tlangzarh tak hi tun chawlhni liam ta mai ni 18th July 2021 a ka phuah a ni a, chawlhni te ni in, in lum lam ah khumlaizawl a bawk chungin he ka hlaphuah hi kan han ziak tan a ni. English lam hian hla hi ka phuah nual tawh a, tun tum chu Mizo tawng lam hawi zawng in hla kan phuah ve ange ti in kan han draft chho tan a ni ber mai a, Pathian pawlna pawh ka nei tha veau a ni he hla kan han ziah lai hian.
Awle, chawlhni khan acoustic guitar nen a zai hi ka nei khat em mai ti in, ka guitar chu han phawrh chhuak in, kan han zai kual vel a, tum lawk pawh awm hran lo leh ka hlaphuah tawh te leh midang hla te sak poh ka tum hran lo, guitar kan phawrh a, a thluk leh guitar chording hi ti hian keimah atang a rawn lang chhuak nghal hmiah mai a ni ber mai, tichuan, a thluk hi sa in hla thar siam nan a in rem dawn riau a ngaihtuahna ka nei ta a, ka hla lo ziah thin tawhna bu ka la nghal a, chuan khumlaizawl atang in a hla thu hi kan han ziak tan a ni. Tlarhmasa ber kan han ziak tan a, ngaihtuahna pawh a ti tam khawp mai, engtinge a ruangam kan han siam ang aw ti in ngaihtuahna te ka nei nasa a, guitar chord hmanga a thluk ka lo ngaihtuah tawh nen a in rualrem in kan han draft tan ta ni ber mai. Ka kut zungtang ho poh ka hmang tangkai hlom khawp mai, line tin mai a thu tin mai hi number te pe thlap mai hian kan han ziak chho a ni. Isua Krista neih a sual beih hi ka thupui ber a nih miau na ah, hetiang lam hawi zawng hlir hian nun khua a sual hnathawh hi ka thupui ber ni ta zelin, he hla hi kan ziak a nih kha. Chang khatna kan ziah zawh chuan, kan han chhiar let in, rilru ah chuan thu chu a tam, mahse, a hla zawnga siam dawn chuan thu tawi mawi hnai deuh, in rual rem a dah a ngaihna ah hian, tun a hmuh tak ang hi kan chhuah pui dan chu a ni ta a ni. Chang khatna a tlar khatna ringawt mai pawh hi kan ziah lai chuan thu a sawi hnem khawp mai, rilru lam ah. Tiang chuan a ni, Pathian pawlna nei chuanga, hriatthiamna nen he hla hi ka phuah tak ni. Hmelma pa sual satana chu Isuan Kraws lerah Jerusalem ah khan thihna leh thawh leh na khan a hneih tawh thu te kha rawn lian in, leh Nazareth tlangval hmeltha, Pa Pathian Fapa Thlarau Thianghlim pawl a khat leh nun hmang, ramhuai pawh in a an tlan chhiat san ngei mai kha a ni rawn lian ber mai chu. Tichuan, Nazareth Isua Krista Hmingin (In the Name of Jesus) tih hi kan rawn tel ta ni, a hla chhung ah leh a hla hming ah leh ka release title hming ah kan put tir ta a ni. Hebrew tawng pawh hi kan hmang tel a, he Hebrew tawng lam hi ka Huawei Smartphone a translator apps hmangin, a lam dan kan zir chho a, ti khan ka lam thiam dan ang tawk in he ka hlaphuah ah hian kan tel ta bawk a ni, a lam dan hi ka tawngka aw chhuak in ka zir nasa khawp mai. Kha ka hlaphuah a "Bashmo sal Yasus menazert" tih in ziak kha Hebrew tawng chu a ni e, Nazareth Isua Krista Hmingin (In the Name of Jesus) tih na a ni e.
Sualna leh a thil tih theihna chu huat tur, mahse sual a nung ni chung a sual huat chuan eng a sawt hran lo, amaherawhchu, Isua Krista a pawlna Thlarau Thianghlim nen a nun a, in pawl tir erawh chuan, eng tih theih loh a awm hran lo ve. Isua Krista nen zel a ti thei nun neih hi hmelmapa sual satana huat ber a ni e.
Awle, hei chin hi ka hla rawn ziah chhoh tan dan tawite kan han ziah chin chu ni pawh teh se.
Pathian, Lal Isua Krista, Thlarau Thianghlim ni zel rawh se.